Wak So lagek
pertama kali iki nglencer nang TP ambek anak bojone. Jenenge wong ndesit, Wak
So ambek anak bojone gumun ndhelok sembarang kalir sing onok nang TP.
Tapi Wak So sak
keluarga iku paling gumun ambek lawang wesi krumkruman sing isok buka tutup
dhewe, opo maneh sing isok muning mak ting!...
“Bes, opo iku
jenenge...” takok Togog anake Wak So pas ndelok lawang wesi iku.
“Aku yo gak weruh
pisan nak... sa umur-umur lagek pisan iki onok lawang wesi koyok ngene.” Jare
Wak So.
Akhire Wak So sak
keluarga ndoprok nang ngarep lawang wesi iku ngematno ambek ndomblong.
Moro-moro onok wong
wedhok tuwek sak pantaran bojone Wak So mencet tombol lawang wesi iku mau.
Mari ngono lawang
wesine mbukak, terus wong wedok tuwek iku mau mlebu nang ruang cilik, terus
pintune nutup maneh.
Mari muni ting!...,
terus onok ongko siji murup, loro, telu sampek papat mandeg. Gak sui ongko
papat murup maneh, terus telu, loro sampek siji mandeg.
Pas lawang wesine
mbukak maneh, Wak So ambek anake kuaget tibake sing metu iku arek wedhok ABG
ayu semlohe.
Wak So bingung
ambek kemlecer ngematno arek wedhok iku.
Mari mikir dhiluk,
Wak So mbengok nang anake, “Le!... Ndang cepetan Makmu lebokno kono,,,”
0 komentar:
Posting Komentar